बाढीपीडितका लागि ३ अर्ब : ‘हानि–नोक्सानी कोष’ ले नेपाललाई दियो २० मिलियन डलर अनुदान

५ कर्तिक, काठमाडौं । अन्तर्राष्ट्रिय ‘हानि–नोक्सानी कोष’ ले नेपालका लागि २० मिलियन अमेरिकी डलर छुट्याउने निर्णय गरेको छ । कात्तिक ५ गते बसेको कोषको बोर्ड बैठकले उक्त सहयोगको निर्णय गरेको कृषि, वन तथा पर्यावरण मन्त्रालयले जनाएको छ ।

“नेपालको जलवायु वित्तमा यो निकै ठूलो सहयोग हो । नेपालको विपद्प्रति संवेदनशील हुँदै विश्वास गरेकोमा अन्तर्राष्ट्रिय समुदाय धन्यवादको पात्र छ,” मन्त्रालयले भनेको छ ।

नेपाल सरकारले आपत्कालीन कोष तत्काल उपलब्ध गराउन भदौ १५ गते कोषलाई पत्राचार गरेको थियो । अर्थमन्त्री डा. स्वर्णिम वाग्ले र कृषि, वन तथा पर्यावरणमन्त्री गीता चौधरीको संयुक्त हस्ताक्षरमा कोषको सञ्चालक समिति (बोर्ड) का सह–अध्यक्षलाई सम्बोधन गर्दै आधिकारिक पत्र पठाइएको थियो । त्यसको करिब सात हप्तापछि कोषले निर्णय गरेको हो ।